Lakbay-Sanaysay

Ang lakbay-sanaysay ay nagtataglay ng mga pahayag tungkol sa karanasan sa paglalakbay. Isinusulat ito upang ilahad sa mambabasa ang mga nakita at natuklasan sa paglalakbay gamit ang pandama: paningin, pakiramdam, panlasa, pang-amoy, at pandinig. Kadalasan itong pumapaksa sa magagandang tanawin, tagpo, at iba pang mga karanasan sa paglalakbay.

Layunin:

1. Natatalakay ang mahahalagang katangian ng lakbay-sanaysay

2. Natutukoy ang mga hakbang sa pagsulat ng lakbay-sanaysay

3. Nakasusulat ng lakbay-sanaysay batay sa karanasan ng paglalakbay

Halimbawa:

ANG PAGLALAKBAY-ARAL SA QUEEN CITY OF THE SOUTH

May dahilan kung bakit ang Cebu City ay binansagang “Queen City of the South” ng mga Pilipino. Bukod sa pagiging lugar ng kapanganakan ng Kristiyanismo sa bansa at ang tahanan ng pinakatanyag na Sinulog Festival, ang Cebu ay kilala sa marami nitong mga atraksiyon at destinasyon para sa mga turista. Isa ito sa mga lungsod na pinupuntahan ng mga dayuhan at mga lokal upang maranasan nila para sa kanilang sarili ang isa sa pinaka-diverse na kultura dito sa Pilipinas. Nag-aalok ang Cebu ng maraming pagkain at aliwan, at ipinagmalaki rin nito ang isa sa pinakamalaking mall sa buong mundo. Ito ang mga dahilan kung bakit ako, kasama ang aking mga kaklase sa Grade 10 Batch ng SY 2019-2020, kasama ang tulong at paggabay ng UHX Travel Central, ay pumunta sa Cebu upang maglakbay-aral noong Enero 29-31, 2020.

UNANG ARAW. Kasama ang aming mga guro at ilan pang mga chaperone, nakarating kami sa Cebu Port bandang alas 11 sa umaga. Ang unang hinintuan namin para sa aming paglalakbay ay ang Cebu Ocean Park. Ito ang pinakamalaking oceanarium sa Pilipinas. Tinalo pa nga nito ang Ocean Park ng Maynila, ang dating humawak sa nasabing titulo. Doon, hindi lamang namin nasaksihan ng mga kaklase ko ang mga isda at hayop na galing sa iba’t ibang sulok ng dagat, kundi pati rin ang mga ibon, reptilya, at mammal sa iba’t ibang hugis, laki, at kulay. Ang aming oras sa Ocean Parkn ay nagtapos sa isang kagila-gilas na birdshow na pinangunahan ng masasayang staff ng parke.

IKALAWANG ARAW. Pagkagising sa bagong araw, masigasig naming inihanda ang aming sarili para sa isang araw na puno ng mga paghihinto sa iba’t ibang destinasyon ng Cebu. Ang una naming hinto ay ang ProFoods Philippines. Ang ProFoods ay isang kumpanya na dalubhasa sa paggawa ng mga pinatuyong prutas at iba pang mga produkto na gumagamit ng mga lokal na sangkap tulad ng mangga at sampalok. Huminto kami sa kanilang Pasalubong Center at bumili ng napakaraming produkto at pasalubong kagaya ng dried mangoes at jam. Pagkatapos, pumunta kami sa sunod naming destinasyon-ang University of San Carlos-Talamban Campus. Dito, nasaksihan namin ang iba't ibang mga sektor ng campus, at hinangaan ang iba't ibang mga kurso na inaalok nito; mula sa Industrial Engineering, Edukasyon, hanggang sa Cinematography. Nakita rin namin nang live ang pag-3D printing ng isang laruan, at nakita namin nang maayos ang mga kagamitan ng isang laboratoryo sa Chemical Engineering.

Pagkatapos naming malibot ang buong campus, bumiyahe kami agad sa International Pharmaceuticals Inc. (IPI). Nasaksihan namin kung paano ginagawa ang mga produkto tulad ng iconic na Efficasent Oil.

Pagkatapos nito, nagkaroon kami ng mabilisang photo shoot sa Heritage of Cebu Monument.

Ang huling destinasyon ng araw bago kami maghapunan ay ang napakatanyag na Magellan's Cross at ang Basilica Minore del Santo Niño, na parehong mga icon ng kasaysayan ng Pilipinas at Katolisismo sa bansa.

IKATLONG ARAW. Para sa huling naming araw ng paglilibot, binisita muna namin ang Gardenia Bakeries. Ipinakita ng kumpanya ang proseso ng kung paano ginagawa ang mga produktong Gardenia, at kung paano ito naproproseso at nababalot. Inuwi namin ang ilang mga produktong Gardenia gaya ng sliced bread at choco bread.

Pagkatapos nito, pumunta kami sa Mactan Shrine, kung saan tiningnan naming ang napaka-iconic na estatwa ng unang bayaning Pilipino: si Lapulapu.

Ang huling hinto namin ay ang museyo ng mga nilikha ng sikat na Pilipinong manlilikha na si Kenneth Cobonpue. Ipinakita sa lugar ang kanyang mga kapansin-pansin na mga gawa na hindi tulad ng anumang bagay na nakita namin dati. Nakaupo kami sa sikat na kama na kinomisyon ni Brad Pitt para sa kanya, sa kanyang asawang si Angelina Jolie, at kanilang sanggol. Kinunan namin ng larawan ang sikat na Star Wars-themed furniture na nilikha ng Pilipinong artista. Nasaksihan rin naming ang marami sa kanyang mga nilikha at imbensyon na labis na nagamit ang mga lokal na materyales na makikita lamang sa bansa.

Hindi ko talaga malilimutan ang aking paglalakbay sa Cebu kasama ang aking mga kaibigan at kaklase. Bukod sa lahat ng mga destination, nagkaroon din kami ng bonding time sa aming pananatili sa Sarossa Hotel. Napaka-accomodating ng mga tour guide sa paglilibot ng pangkat sa buong paligid ng Queen City of the South. Ang biyahe namin ay tunay na isang karanasan minsan lamang nagaganap sa buhay ng isang tao, at dadalhin namin ang mga alaala namin sa Cebu habang kami’y buhay pa sa daigdig na ito.

Repleksyon:

Napakahalaga ang isang lakbay sanaysay sapagkat nagbibigay ito ng mga kaalaman sa mga mambabasa ukol sa lugar na inilalahad ng sanasay. Hindi lang iyan, kundi naglalahad din ito ng malalim na insight sa isang destinasyon. At maari rin itong maging batayn ng mga taong mahilig maglakbay.